SOBRE ALBA CASTRO
Un móbil.
Moita retranca.
E a súa voz.
Todo comezou na pandemia. Alba empezou a subir vídeos a TikTok, reaccionando aos madrileños, ao turismo en Galicia e a esas cousas cotiás que dan para unha boa conversa.
A súa maneira de contalo, coas expresións e os trazos da fala da Costa da Morte, foi atopando o seu público. Nas redes coñecémola como @mamatopa_alba. Despois chegarían a televisión, a radio e un podcast propio.
Segue a Alba en Instagram ↗︎COMO EMPEZOU TODO
Unha historia que
segue medrando.
DA PANTALLA DO MÓBIL Á TELEVISIÓN
As primeiras chamadas.
Mentres os seus vídeos chegaban a máis xente, comezaron as aparicións en Quen anda aí?. Alba levaba á televisión o humor e a personalidade que xa compartía nas redes.
O NOVO REI DA COMEDIA
Humor con personalidade propia.
A súa selección para o programa de humor O novo rei da comedia marcou un novo paso na súa traxectoria e deuna a coñecer a máis público da televisión galega.
NACE CANTA CLARO
Agora, as preguntas fainas ela.
Despois do programa, Alba puxo en marcha o seu propio podcast. Canta Claro foi medrando con convidados de perfís moi distintos, historias persoais e moita retranca.
RADIO E TELEVISIÓN
Unha voz que segue dando que falar.
Colabora a diario en Galicia por diante, na Radio Galega. Entre as súas aparicións televisivas máis recentes está Land Rober, na TVG.
E TAMÉN SE ANIMOU A CANTAR
Influenser
Do podcast á música: Nando Llon ft Mamatopa. Alba lanzouse a cantar cun dos convidados de Canta Claro, coñecido no mundo da verbena galega. Porque ás veces unha conversa acaba tendo banda sonora.
Ver o videoclipAgora que xa coñeces a Alba…
Descubre quen se senta ao outro lado do micro.